Hic Est Dies Verus Dei

Painting by Duccio di Buoninsegna - Courtesy of Wikipedia

Hic Est Dies Virus Dei is an anonymous Ambrosian hymn which is sung at Matins (Office of Readings) throughout the Easter season in the Roman Breviary.



HIC EST DIES VERUS DEI

1. Hic est dies verus Dei,
sancto serénus lúmine,
quo díluit sanguis sacer
probrósa mundi crímina.

2. Fidem refúndit pérditis
cæcósque visu illúminat;
quem non gravi solvit metu
latrónis absolútio?

3. Opus stupent et ángeli,
pœnam vidéntes córporis
Christóque adhæréntem reum
vitam beátam cárpere.

4. Mystérium mirábile,
ut ábluat mundi luem,
peccáta tollat ómnium
carnis vítia mundans caro,

5. Quid hoc potest sublímius,
ut culpa quærat grátiam,
metúmque solvat cáritas
reddátque mors vitam novam?

6. Esto perénne méntibus
paschále, Iesu, gáudium
et nos renátos grátiæ tuis
triúmphis ággrega.

7. Iesu, tibi sit glória,
qui morte victa prǽnites,
cum Patre et almo Spíritu,
in sempitérna sǽcula. Amen.