Aeterna Lux, Divinitas

Eternal Light, Divinity, O Unity in Trinity

Ætérna Lux, Divínitas is an anonymous Latin hymn which was first published in the Co­rol­la Hym­no­rum, Köln, 1806. It is sung at Monday Matins in the Roman Breviary.

ATERNA LUX, DIVINITAS (Public Domain)
Listen

1. Ætérna lux, divínitas,
in unitáte Trínitas,
te confitémur débiles,
te deprecámur súpplices.

2. Summum Paréntem crédimus
Natúmque Patris únicum,
et caritátis vínculum
qui iungit illos Spíritum.

3. O véritas, o cáritas,
o finis et felícitas,
speráre fac et crédere,
amáre fac et cónsequi.

4. Qui finis et exórdium
rerúmque fons es ómnium,
tu solus es solácium,
tu certa spes credéntium.

5. Qui cuncta solus éfficis
cunctísque solus súfficis,
tu sola lux es ómnibus
et præmium sperántibus. 

6. Christum rogámus et Patrem,
Christi Patrísque Spíritum;
unum potens per ómnia,
fove precántes, Trínitas. Amen.