Magnae Deus Potentiae

O Sovereign Lord of Nature's Might

Magnae Deus Potentiae is attributed to St. Gregory the Great (540-604).  In 1632, in accordance with revisions made to the hymns of the Divine Office by Pope Urban VIII (1568-1644), it was altered and changed to Magnae Deus Potentiae (1632). Both versions are shown below. It is sung at Thursday Vespers in the Roman Breviary.

MAGNAE DEUS POTENTIAE by St. Gregory the Great
Listen

1. Magnae Deus potentiae,
qui ex aquis ortum genus
partim remittis gurgiti,
partim levas in aera.

2. Demersa lymphis imprimens,
subvecta caelis irrogans,
ut, stirpe una prodita,
diversa repleant loca: 

3. Largire cunctis servulis,
quos mundat unda sanguinis,
nescire lapsus criminum,
nec ferre mortis taedium.

4. Ut culpa nullum deprimat,
nullum levet iactantia,
elisa mens ne concidat,
elata mens ne corruat.

5. Praesta, Pater piissime,
Patrique compar Unice,
cum Spiritu Paraclito
regnans per omne saeculum. Amen.


MAGNAE DEUS POTENTIAE (1632 Revision)

1. Magnae Deus potentiae,
qui fertili natos aqua,
partim relinquis gurgiti,
partim levas in aera.

2. Demersa lymphis imprimens,
subvecta caelis erigens,
ut, stirpe ab una prodita,
diversa repleant loca: 

3. Largire cunctis servulis,
quos mundat unda sanguinis,
nescire lapsus criminum,
nec ferre mortis taedium.

4. Ut culpa nullum deprimat,
nullum efferat iactantia,
elisa mens ne concidat,
elata mens ne corruat.

5. Praesta, Pater piissime,
Patrique compar Unice,
cum Spiritu Paraclito
regnans per omne saeculum. Amen.


Contemporary version performed by Sator